Yamaykalik mashhur, 8 karra Olimpiya va 11 karra Jahon chempioni Useyn Bolt keyingi mavsumda o‘zini futbolchilikda sinab ko‘rishga tayyorligini bildirdi.
"Men shunday vaqtga yetib keldimki, o‘zimni futbolchilikda sinab ko‘rgim kelmoqda. Oldingi interyu berganimda aytib o‘tganimdek, menda takliflar bor.
Afsuski, avgust oyida olgan jarohatim sabab mashg‘ulotlar o‘tay olmadim, biroq 2018 yildan sportga qayta olaman", - deydi 31 yoshli Bolt FIFA rasmiy saytiga.
Ma’lumot uchun, yamaykalik sportchi bir necha bor "Manchester Yunayted" tarkibida harakat qilmoqchi ekanligini aytib o‘tgandi.
Bolt avgust oyida orttirib olgan jarohatidan keyin yengil atletikada faoliyatini tugatganini e’lon qilgandi.
