Ямайкалик машҳур, 8 карра Олимпия ва 11 карра Жаҳон чемпиони Усэйн Болт кейинги мавсумда ўзини футболчиликда синаб кўришга тайёрлигини билдирди.
"Мен шундай вақтга етиб келдимки, ўзимни футболчиликда синаб кўргим келмоқда. Олдинги интерью берганимда айтиб ўтганимдек, менда таклифлар бор.
Афсуски, август ойида олган жароҳатим сабаб машғулотлар ўтай олмадим, бироқ 2018 йилдан спортга қайта оламан", - дейди 31 ёшли Болт ФИФА расмий сайтига.
Маълумот учун, ямайкалик спортчи бир неча бор "Манчестер Юнайтед" таркибида ҳаракат қилмоқчи эканлигини айтиб ўтганди.
Болт август ойида орттириб олган жароҳатидан кейин енгил атлетикада фаолиятини тугатганини эълон қилганди.
