Bugun O‘zbekiston Birinchiligida 33-tur bahslari bo‘lib o‘tdi. Unda Quvasoyning “Sementchi” jamoasi o‘z maydonida “Nasaf-2” bilan kuch sinashdi. O‘yinda tajribali mezbonlar raqiblari darvozasiga uchta gol kiritdi.
Ushbu g‘alaba tufayli "Sementchi" jamoasining ochkolari soni 76 taga yetdi va keyingi mavsumda Oliy Ligada qatnashish huquqiga ega bo‘lishdi.
Boz ustiga, "Andijon" Toshkentda "Lokomotiv BFK" bilan durangga imzo chekdi. "Istiqlol" safarda "Xotira-79" ustidan g‘alaba qozonishi natijasida Usmon Toshev jamoasi 3-o‘ringa tushib ketdi hamda Oliy liga yo‘llanmasidan quruq qolish xavfi ostida qoldi.
Birinchi liga
"Sementchi" – "Nasaf-2" 3:0.
Gollar: Elyor Mamasoliyev (24), Davron Mamatov (30), Ma’ruf Zokirjonov (45)
"Sementchi": 1. Farrux Turdaliyev, 3. Oqilbek Maxmudov, 6. Otabek Axmadjonov, 9. Davron Isoqov, 10. Abdul Aziz Yusupov, 14. Ma’ruf Zokirjonov, 15. Shahzod Abduraximov, 17. Sunnatilla Ermatov, 21. Eler Mamasoliyev, 23. Oybek Nurboyev, 27. Davron Mamatov.
Amalga oshirilmagan penalti: Abdul Aziz Yusupov.
