«Manchester Siti» bosh murabbiyi Xosep Gvardiola jamoasining mag‘lubiyatsiz o‘yinlar seriyasi borasida o‘z fikrlarini bildirib o‘tdi. "Shaharliklar" ushbu mavsumda 13ta o‘yin o‘tkazib, ularning 12tasi g‘alaba qozonishdi va bitta o‘yinda durang qayd etishdi.

«Bu rekordlar... Bilaman, odamlar statistikani yaxshi ko‘rishadi va barcha narsani taqqoslashadi. Ketma-ket 11ta o‘yinda g‘alaba qozonganimizdan xursandman. Biz bunday ishni amalga oshira olishimiz mumkinligini isbotladik.

Mag‘lubiyatga uchramasdan  mavsumni yakunlash? Bunday bo‘lmaydi. «Manchester Siti» ko‘p musobaqalarda ishtirok etmoqda va ko‘p miqdorda o‘yinlar o‘tkazmoqda. Bunday rekordlar bilan g‘alaba qozonish — kulgili eshitilmoqda.

Vaqti kelib bizda pasayish boshlanadi. Men uchun o‘shanda qiziq bo‘ladi. Bu men va o‘yinchilar uchun sinov bo‘ladi. Ko‘ramiz, o‘sha vaziyatdan qanday chiqib keta olarkanmiz.

Hattoki «Golden Steyt» ham NBAda ba’zida yutqazadi. Barcha jamoalar mag‘lub bo‘lishadi. Biz ham vaqti kelib yutqazamiz», – dedi Gvardiola.