Turinning “Yuventus” klubi darvozaboni Janluijji Buffon eng yaxshi darvozabon sovrinini qo‘lga kiritgandan so‘ng futboldagi faoliyatini katta g‘alaba bilan yakunlash rejasi borligini aytib o‘tdi.
“Juda ham baxtliman, chunki mening yoshimda bu sovrinni qo‘lga kiritish oson emas. Jamoa va jamoa a’zolari, murabbiylarga rahmat aytaman. Ular meni shunday darajaga yetib kelishimda o‘z hissalarini qo‘shishgan. Nomzodimga ovoz berganlarga ham tashakkurlar aytib qolardim.
“Yuventus” so‘nggi yillarni fantastik darajada o‘tkazmoqda. Lekin tan olish kerak buning o‘zi Yevropada g‘alaba qozonish uchun kamlik qilmoqda.
Ishonamanki, yangi mavsum terma jamoa va “Yuventus” safida katta g‘alabalarga ega chiqa olaman. Agar mumkin bo‘lsa, faoliyatimni mana shunday buyuk g‘alabadan keyin yakunlamoqchiman”, – deydi Buffon.
