Bugun o‘rinbosarlarimiz Yoshlar ligasi 26-tur uchrashuvida maydonga tushishdi. Toshkentda “Loko” o‘rinbosarlariga qarshi kechgan bahsda vakillarimiz alamli mag‘lubiyatga uchrashdi.
3-daqiqada dastlabki xavfli vaziyatni mezbonlar tomonidan yuzaga keltirildi. Yaxshiyam so‘nggi zarba noaniq bo‘ldi.
13-daqiqada futbolchilarimizdan omad yuz o‘girdi. Oybek Rustamovning kuchli zarbasi darvoza to‘siniga tegib qaytdi.
22-daqiqada futbolchilarimiz chiroyli kombinasiya uyushtirishgan edi, so‘nggi pallada himoyachi aniqroq o‘ynadi.
Birinchi bo‘limda vakillarimiz katta ustunlikka ega bo‘lishlariga qaramay, raqib darvozasiga yo‘l topa olishmadi.
Ikkinchi taymni futbolchilarimiz faol tarzda boshlashdi. Ketma-ket yuzaga kelgan hujumlarimiz samarasiz yakunlandi.
79-daqiqada o‘rinbosarlarimiz hisobni ochishga juda yaqin kelishdi. Raqib futbolchisi Doston Meliqo‘ziyevni o‘z jarima maydonchasi ichida chaliyu yiqitdi. Bosh hakam penalti belgiladi.
Oybek Rustamovning penaltidan tepgan to‘pni darvozabon ushlab oldi. Afsuski so‘nggi daqiqalar biz uchun muvafaqqiyatsiz keldi. Aniqrog‘i, hakam tomonidan qo‘shib berilgan daqiqalarda gol o‘tkazib yubordik. Amonov maydon egalariga g‘alaba keltirgan golga mualliflik qildi.
Yoshlar ligasi
26-tur
"Lokomotiv" - "Qo‘qon-1912" - 1:0 (0:0)
Gol: Amonov (90+4)
"Lokomotiv": 25. S. Karimov, 9. B. Tillaboyev, 10. B. Abdullayev, 21. I. Bikmaykin , 22. U. Abdullayev, 24. A. Amonov, 28. U. Adxamzoda, 37. O. Blessing, 44. S. Proxorov, 80. F. Ibroximov, 99. B. Ergashev
Zaxira: 1. V. Vagin, 11. YE. Tanayev, 17. SH. Xasanov, 18. R. Hamroyev, 20. O. Muxammedov, 29. A. Odilov, 77. SH. Mo‘minqulov
"Qo‘qon-1912": 13. Nikita Ribkin, 6. Dilshod Baratov, 7. Oybek Rustamov, 10. Abror Raxmonov, 15. Ibrohim Ahmadjonov, 19. Doston Meliqo‘ziyev, 20. Mo‘min Sodiqjonov, 25. Ismoil Oxunjonov, 29. Iqbol Malikjonov, 90. Xushnud Avilov, 99. Andrey Sidirov
Zaxira: 30. Islom Abdullayev, 9. Ramz Isoqov, 31. Shukur Mo‘minov, 33. Ibrohim Muxtorov, 55. Doniyor Erkaboyev, 70. Dadahon Sulaymonov, 75. Ma’mur Rahimov.
