Dortmundning “Borussiya” klubi sobiq ustozi Tomas Tuxel keyingi mavsumda “Bavariya”ni boshqarishga juda yaqin turibdi. “Sport Bild”ning ma’lum qilishicha, Myunxen klubi rahbariyati keyingi mavsumda jamoaga aynan Tuxelni olib kelmoqchi.

Ma’lumotlarga ko‘ra, Yupp Xaynkess mavsum yakunlanganidan keyin “Bavariya”ni tark etadi. Chunki u jamoa rahbariyati bilan faqat mavsum oxirigacha ishlashga kelishgan.

“Bavariya” prezidenti Rummenigge Tuxelning jamoani boshqarishi mumkinligini inkor etmadi. Hatto “Bavariya” Tuxel haqida kerakli ma’lumotlarni olish uchun “Borussiya” bilan aloqa o‘rnatgan.