«Bavariya» Xames Rodrigesni «Real»ga qaytarmoqchi? Nega?
Axir Germaniya grandi kolumbiyalik futbolchini ijara kelishuvi asosida taklif etib, shartnoma muddati tugagach, uning transfer huquqini to‘liq sotib olishni rejalashtirgandi-ku.
Nima bo‘ldi? Bombardir.ru sayti hammada alohida qiziqish uyg‘otgan kelishuv nega o‘zini oqlamayotgani sababini qidirib ko‘rdi.
O‘zi nima bo‘lyapti?
Bilasiz, «Bavariya» rahbariyati yaqindagina bosh murabbiyni yangiladi: Myunxenda ishi yurishmagan Karlo Anchelotti o‘rniga Yupp Xaynkesni taklif qildi. Natijada bundesliga grandining Xames Rodriges xizmatiga ehtiyoj sezmayotganiyu, uni muddatidan oldin «Real»ga qaytarishi haqida gap-so‘zlar tarqaldi.
Blu Radio ma’lumotlariga ko‘ra, qariya Xaynkes kolumbiyalik futbolchi bilan birga ishlamoqchi emas. Aytish joiz, Xames Myunxen klubi safiga shaxsan Anchelotti xohishi bilan qo‘shilgandi. Chunonchi, italyan mutaxassisi va yulduz yarim himoyachining yo‘llari «Real»da o‘zaro kesishgandi.
Xames «Bavariya»da o‘zini nechog‘li ko‘rsatdi?
Hozircha aytarli karomat ko‘rsata olgani yo‘q. Kolumbiya faxri hattoki, Anchelotti davrida ham atigi 1ta o‘yinni to‘liq o‘tkazdi va yana 4ta uchrashuvda ma’lum vaqt harakatlandi.
Shuning barobarida 1ta gol urishdan tashqari, yana biriga assistentlik qildi. Tabiiyki, bunday statistika top-futbolchilar qatoriga kiruvchi Xames uchun aslo yarashmaydi.
U Myunxenda qaysi shartlar asosida o‘ynamoqda?
2 oycha oldin hamma «Bavariya» ajoyib kelishuvni amalga oshirganini ta’kidlayotgandi. Zero, nemis klubi Xamesni uzoq muddatli ijara sharti bo‘yicha olib, uni 2 mavsumdan so‘ng 40 mln. yevroga sotib olishni mo‘ljallagandi.
Biroq qisqa vaqt ichida umumiy holat keskin o‘zgardi: Anchelotti Germaniyadan ketdi, yangi murabbiy rejalarida esa Rodrigesga joy yo‘q, shekilli.
Xames «Madrid»da qanday o‘ynagandi?
