«Yuventus» hujumchisi Gonsalo Iguain jamoa darvozaboni Janluidji Buffonning qo‘llab-quvvatlovchi fikriga javob qaytardi. Posbon jamoadoshining ishga bo‘lgan munosabati haqida gapirgandi.
«Jijiga minnatdorchilik bildirishim kerak. Uning so‘zlari men uchun muhim. Men ortiqcha shovqin-suronsiz sidqidildan ishladim.
Ushbu mavsumda 30ta gol urishga harakat qilaman. Nima uchun yo‘q?
Hozir biz «Sporting»ga qarshi o‘yin haqida o‘ylashimiz kerak. Bu uchrashuv muhim ahamiyatga ega bo‘ladi», – dedi Iguain.
Argentinalik futbolchi «Milan»ga qarshi bo‘lib o‘tgan o‘yinda (2:0) dublga erishdi hamda A seriyadagi gollari sonini 101taga yetkazib oldi.