«Ювентус» ҳужумчиси Гонсало Игуаин жамоа дарвозабони Жанлуиджи Буффоннинг қўллаб-қувватловчи фикрига жавоб қайтарди. Посбон жамоадошининг ишга бўлган муносабати ҳақида гапирганди.
«Жижига миннатдорчилик билдиришим керак. Унинг сўзлари мен учун муҳим. Мен ортиқча шовқин-суронсиз сидқидилдан ишладим.
Ушбу мавсумда 30та гол уришга ҳаракат қиламан. Нима учун йўқ?
Ҳозир биз «Спортинг»га қарши ўйин ҳақида ўйлашимиз керак. Бу учрашув муҳим аҳамиятга эга бўлади», – деди Игуаин.
Аргентиналик футболчи «Милан»га қарши бўлиб ўтган ўйинда (2:0) дублга эришди ҳамда А сериядаги голлари сонини 101тага етказиб олди.