Futzal bo‘yicha O‘zbekiston terma jamoasi BAAda o‘quv-mashg‘ulotlar yig‘inini o‘tkazish uchun bugun, 31 oktyabr kuni Dubay shahriga uchib ketdi.

Dubaydagi yig‘in doirasida Bahodir Ahmedov shogirdlari BAAga qarshi ikkita o‘rtoqlik uchrashuvini o‘tkazadi. O‘rtoqlik o‘yinlari 2 va 3 noyabr kunlariga belgilangan. Jamoa 4 noyabr kuni Toshkent shahriga qaytib kelishi ko‘zda tutilgan.

Bahodir Ahmedov yig‘inga 16 o‘yinchini jalb qildi. Quyida ular bilan tanishish mumkin:

Darvozabonlar: Rustam Umarov («Ardus»), Akmaljon Hazratkulov («Do‘stlik-AIN»);

O‘yinchilar: Artur Yunusov («Ardus»), Mashrab Odilov («Ardus»), Konstantin Sviridov («Olmaliq»), Farhod Abdumavlonov («Ardus»), Davron Choriyev («Ardus»), Husniddin Nishonov («Nafis»), Davronjon Abdurahmanov («Ardus»), Anasxon Rahmatov («Ardus»), Ixtiyor Ropiyev («Maksam-CHirchiq»), Dilmurod Shavkatov («Ardus»), Alan Aminov («Ardus»), Xushnur Erkinov («Ardus»), Akbar Usmonov («Olmaliq»), Botirbek Rizayev («Maksam-CHirchiq»).

Qayd etish joiz, O‘zbekiston va BAA futzal terma jamoalarining o‘rtoqlik o‘yinlari O‘zbekiston Futbol Federasiyasi va BAA Futbol Assosiasiyasi o‘rtasidagi imzolangan memorandum doirasida tashkil qilinmoqda.

Eslatib o‘tamiz, futzal bo‘yicha O‘zbekiston terma jamoasi Eronning Tabriz shahrida bo‘lib o‘tgan OCH saralash bosqichi «A» guruhida 1-o‘rinni egallab, Osiyo chempionati yo‘llanmasini qo‘lga kiritgandi. Futzal bo‘yicha qit’a birinchiligi 2018 yilning 6–18 fevral kunlari Xitoy Taypeyi shahrida bo‘lib o‘tadi.