«Valensiya» klubi Ispaniya chempionatining 10-turidan so‘ng 24 ochko to‘pladi.

Shu tariqa, jamoa o‘z tarixidagi eng yaxshi startni qayd etdi. Bungacha ularning eng yaxshi natijasi 10 ta turda 23 ochko edi. Ushbu natija 2014/15 (yakunda 4-o‘rin) va 2003/04 mavsumda (Ispaniya chempionligi va Kubok sohibi) qayd etilgan.

7 ta o‘yinda g‘alaba nashidasini surgan valensiyaliklar, uchta o‘yinda durang qayd etdilar. Hozirda jamoa Primerada ikkinchi o‘rinni egallab turibdi va peshqadam «Barselona»dan to‘rt ochkoga ortda qolmoqda. Shu o‘rinda «ko‘rshapalaklar» «Real» va «Atletiko» klublarini 4 ochkoga ortda qoldirmoqda.