Italiyaning “Napoli” klubi hujumchisi Xose Kalyexon “Manchester Siti”ga qarshi o‘yin oldidan o‘z fikrlarini bildirib o‘tdi.

“Napoli” barcha klublarni hurmat qiladi, biroq hech kimdan qo‘rqmaydi. Biz doim o‘z kuchimizga ishonishda davom etamiz, ishonch bilan ayta olaman ertaga uch ochkoga ega bo‘lamiz.

“Manchester Siti” birinchi o‘yinda kuchli edi, balki ular yana kuchayishgan bo‘lishlari mumkin. Ular ilk 25 daqiqani faol o‘tkazishdi, keyin biz o‘yinni o‘z qo‘limizga oldik. Durang bo‘lishiga bir bahya qolgandi.

“Napoli” futbolchilari bu o‘yinga xuddi oxirgi imkoniyat kabi qarashlari kerak. Hatto bu o‘yin nimanidir hal etmasada, jiddiy harakter ko‘rsatishimiz kerak”, – deydi Kalyexon.