“Bunyodkor” – “Navbahor” uchrashuvidan keyingi matbuot anjumanining ikkinchi qismida “qaldirg‘ochlar” uchtozi ishtirok etdi.

- Judayam qiziqarli va kurashlarga boy o‘yin bo‘ldi. Qolaversa, ikkala jamoa g‘alaba uchun kurashdi. Oxirigacha kurashdi. Bugungi shiddatli o‘yindan muxlislar yutdi, deb o‘ylayman. Futbolda xatolar bo‘lib turadi. Bugungi o‘yin uchun ikkala jamoa muxlislarga minnatdorchilik bildirish kerak. Jamoani kayfiyatini ko‘tarish uchun ishlayapmiz. Tezroq bu vaziyatdan chiqib ketishimiz kerak. Agar bugun birinchi bo‘limda yaratgan imkoniyatlarimini golga aylantirganimizda uchrashuv boshqacha rivoj topardi. Bu kabi o‘yinlar futbolchilarning tajribasini oshishiga xizmat qiladi. Shukurovda jarohat borligi uchun bugun qaydnomaga kiritmadik. Hali oldinda muhim o‘yinlar bor. U to‘liq sog‘ayib olsa, keyingi bahslarda maydonga tushadi. Norxonov hali jamoamizga to‘liq kirishib keta olmadi. Unga biroz vaqt kerak. Bir paytlarda Zidan “Yuventus”dan “Real”ga o‘tganida uni Madrid klubiga moslashishi uchun sakkiz oy vaqt kerak bo‘lgan, - deydi Mirjalol Qosimov.