La Ligada “Barselona”dan sakkiz ochkoga ortda qolib ketgani yetmagandek, “Real Madrid” Chempionlar Ligasida “Tottenxem”ga imkoniyatni boy berib, guruhda ikkinchi o‘ringa tushib qoldi. Zinedin Zidan jamoasini yana bir inqirozdan olib chiqishi lozim. RMC Sport nashri “qirollik klubi” inqirozining 4 asosiy sabablarini ko‘rsatib o‘tdi.
Hujumchilar gol urishda samarasiz
La Ligada 19 gol bilan “qaymoranglilar” eng yaxshi hujumkor jamoalar orasida 4-o‘rinda bormoqda. Mavsumning debyutini mos ravishda jarohat va chetlatish tufayli o‘tkazib yuborgan Karim Benzema va Krishtianu Ronaldu har biri bittadan golga egalik qilmoqda. Bunday nochor statistik ko‘rsatkich madrikliklarning individual mahorat egalariga samaradorlik yetishmayotganidan darak bermoqda. “Tottenxem”ga qarshi o‘yindan keyin “shunday paytlar bo‘lardiki juda ko‘p gollar urganmiz, u davr endi qaytmayapti” deya afsus bilan fikrlarini bildirdi Zidan. “Bu o‘tish davri. Umuman olganda, gollar yetishmayotganidan tashvishlanmayapman.”
Muhim o‘yinchilar almashtirilmadi
“Uembli”dagi omadsizlikdan keyin Ronaldu tomonidan aytilgan fikrlardan biri edi. “Bu bahona emas, ammo Pepe, Hames Rodriges, Moratalar ...
