Oliy liga 27-turidan o‘rin olgan “Buxoro” – “Qo‘qon-1912” o‘yinidan so‘ng bo‘lib o‘tgan matbuot anjumanida mezbonlar bosh murabbiyi Ulug‘bek Baqoyev o‘yin borasidagi fikrlarini bildirib o‘tdi.

"O‘yinchilarimizga, “Buxoro” muxlislariga, barchaga rahmat deyman. Bugungi o‘yinda ular nimaga qodir bo‘lishsa, hammasini ko‘rsatishdi. Ular ajoyib o‘yin ko‘rsatishdi. O‘yinchilarimiz bilan faxrlanaman. Ularga hech qanday etirozim yo‘q. Hakamlar harakati bo‘yicha har safar aytganimday ularni baholovchi inspektorlar bor. Men faqat o‘zimning jamoam o‘yinchilarini gapirishim mumkin xolos. Shuni aytib o‘tishim joizki , jamoamiz qanaqa holatda bo‘lishidan qat’i nazar, har bir o‘yinda g‘alaba uchun kurashishga tayyor", - dedi Ulug‘bek Baqoyev.