Berlinning “Gerta” klubi hujumchisi Vedad Ibishevich boshqa bir nemis klubi safiga o‘tishi mumkin.

Sky Germany nashri tarqatgan xabarga ko‘ra Levandovskiga biroz yenggillik amalga oshirishni rejalashtirayotgan “Bavariya” aynan bosniyalik futbolchini ko‘z ostiga olib qo‘ygan.

Biroq, 33 yoshli futbolchi myunxenliklardan hech qanday taklif olmaganini bildirdi. O‘z navbatida “Bavariya” klubi ijrochi direktori Karl-Xayns Rummenigge esa Ibishevichning nemis grandi safiga o‘tishi mumkinligini inkor etmayapti.

“Katta pul sarflamasdan futbolchi sotib olish – bu yaxshi fikr. Ana shu futbolchi Ibishevich bo‘lishi ham mumkin”, - deydi Rummenigge.

Eslatib o‘tamiz, Bosniya va Gersogovina terma jamoasi a’zosining “Gerta” bilan amaldagi shartnomasi 2019 yilga qadar imzolangan.