Angliyaterma jamoasi tarkibida Germaniya (10 noyabr) va Braziliya (14 noyabr) termalariga qarshi o‘rtoqlik uchrashuvi oldidan navbatdagi yo‘qotishlar kuzatilmoqda.
Angliyaliklarning rasmiy “Tvitter” sahifasida xabar berilishicha, jamoa lazaretida Jordan Xenderson (“Liverpul”), Rahim Sterling va Fabian Delf (“Manchester Siti”) kabi futbolchilar o‘rin egallashgan. Ularning o‘rnini mazkur o‘yinlarda kim bosishi hali aniq emas.
Ma’lumotlarga ko‘ra, Sterlingda mushak jarohati, Fabian Delfda kichik jarohatlar bor.
Eslatib o‘tamiz, avvalroq Angliya terma jamoasining yig‘inini jarohat sabab Xarri Keyn, Garri Uinks va Dele Allilar tark etishgandi. Uinksnnig o‘rnini “Vest Bromvich Albion” yarim himoyachisi Jeyk Livermor egallagan bo‘lsa, Alli o‘rnini “Everton” futbolchisi Maykl Kin egallaydi.
