Англиятерма жамоаси таркибида Германия (10 ноябрь) ва Бразилия (14 ноябрь) термаларига қарши ўртоқлик учрашуви олдидан навбатдаги йўқотишлар кузатилмоқда.

Англияликларнинг расмий “Твиттер” саҳифасида хабар берилишича, жамоа лазаретида  Жордан Хендерсон (“Ливерпуль”), Раҳим Стерлинг ва Фабиан Делф (“Манчестер Сити”) каби футболчилар ўрин эгаллашган. Уларнинг ўрнини мазкур ўйинларда ким босиши ҳали аниқ эмас.

Маълумотларга кўра, Стерлингда мушак жароҳати, Фабиан Делфда кичик жароҳатлар бор.

Эслатиб ўтамиз, аввалроқ Англия терма жамоасининг йиғинини жароҳат сабаб Харри Кейн, Гарри Уинкс ва Деле Аллилар тарк этишганди. Уинкснниг ўрнини “Вест Бромвич Альбион” ярим ҳимоячиси Жейк Ливермор эгаллаган бўлса, Алли ўрнини “Эвертон” футболчиси Майкл Кин эгаллайди.