"Liverpul" himoyachisi Jozef Gomes Angliya terma jamoasi boshlang‘ich tarkibidan o‘rin olsa "Charlton Atletik" klubi 250 ming funt bonus oladi.
Bu yosh iqtidorning shartnomasida shunday band bor, deya xabar beradi The Telegraph.
Noyabr oyida angliyaliklar Germaniya va Braziliya terma jamoalari bilan o‘rtoqlik uchrashuvi o‘tkazadilar. Gomes ushbu uchrashuvlarga chaqirilgan.
Gomes 2015 yilda "Charlton"dan "Liverpul"ga o‘tgan, ammo jarohatlar uni "qizillar" libosida o‘zini ko‘rsatishiga yo‘l qo‘ymay kelayotgan edi. Futbolchi ushbu mavsumda APLning 9 uchrashuvida maydonga tushgan va bir golga to‘p oshirgan.