"Ливерпуль" ҳимоячиси Жозеф Гомес Англия терма жамоаси бошланғич таркибидан ўрин олса "Чарльтон Атлетик" клуби 250 минг фунт бонус олади.
Бу ёш иқтидорнинг шартномасида шундай банд бор, дея хабар беради The Telegraph.
Ноябрь ойида англияликлар Германия ва Бразилия терма жамоалари билан ўртоқлик учрашуви ўтказадилар. Гомес ушбу учрашувларга чақирилган.
Гомес 2015 йилда "Чарльтон"дан "Ливерпуль"га ўтган, аммо жароҳатлар уни "қизиллар" либосида ўзини кўрсатишига йўл қўймай келаётган эди. Футболчи ушбу мавсумда АПЛнинг 9 учрашувида майдонга тушган ва бир голга тўп оширган.
