“Chelsi” sartaroshi Axmed Alsanavi futbolchilarning sochini olish jarayoni aks etgan suratlarni internetga joyladi. Klub rahbariyati esa sartaroshning bu ishini haddidan oshish, chegaradan chiqish deb baholadi. Oqibatda sartarosh iste’foga chiqarildi. Bunga sartaroshning futbolchilarning sochini olayotgandagi suratini internetga tarqatib yuborgani asosiy sabab bo‘ldi.
“Rasmlar, dastxat tushirilgan futbolkalar, futbolchilarning rasmlarini tarqatish, o‘zining biznesini reklama qilish — bu haddan tashqari ortiqcha. Futbolchilarning imij huquqlari bo‘yicha shartnomalari bor, klubning homiylari bor, imij huquqlari uchun millionlab funtlar to‘lanadi.
U oxirgi paytlarda haddidan oshib ketdi. Hatto o‘yindan oldin mashg‘ulot bazasiga ham keladigan bo‘ldi. Bu esa taqiqlangandi. Shu bois ham sartarosh ishdan bo‘shatildi”, deyiladi manbada.
