Futbol bo‘yicha Italiya terma jamoasi darvozaboni Janluijji Buffon Shvesiyaga uchralgan mag‘lubiyat (0:1) dan so‘ng o‘z fikrlarini bildirib o‘tdi.

39 yoshli darvozabon Italiya termasi oldida jahon chempionatiga chiqish imkoniyatlari yo‘qolmaganiga ishonch bildirishini ta’kidladi.

“...Mag‘lub bo‘lganimizni yaxshi tushunib turibman, lekin bizda vaziyatni yaxshilash uchun yana oldimizda 90 daqiqa bor.

Terma jamoa o‘yinlaridagi birinchi qonun, o‘zini yaxshi tuta olish, mag‘lubiyatni unutib oldinga qadam tashlash hisoblanadi. O‘yin davomida ko‘plab qoida buzilishlari kuzatildi.

Raqobatlarga boy o‘yin bo‘ldi. Jamoadoshlarim maydonda qiynalib qolishganini tan olaman. Ustiga-ustak hakam o‘yinni angliyacha uslubda boshqarib bordi.

Hakam ko‘p vaziyatlarda o‘ynash uchun imkoniyat berdi. Umid qilamanki, hakamlar javob o‘yinida boshqacharoq qarorlar qabul qilishadi.

Dushanba kuni bo‘lib o‘tadigan o‘yinda o‘zimizga ishonishimiz zarur, aks holda Italiya jahon chempionatini umid qilmasa ham bo‘ladi.

Birinchi o‘yindan kerakli xulosa chiqardik. Biz mag‘lubiyat sabablarini o‘rganib chiqamiz va Shvesiyaga qarshi munosib kurashamiz.

Italiya “San-Siro” stadionidagi to‘lib toshgan muxlislarning ko‘z oldida boshqacha o‘yin namoyish etadi.

Mag‘lubiyatni unutib, qo‘llarimizni pastga tushurmasligimiz kerak. Oldimizdagi 90 daqiqaning har soniyasini qadrlaymiz va kerakli bo‘lgan g‘alabaga erishib, muxlislarimiz va shaxsiy orzularimizni amalga oshiramiz. Ishoning, hammasi zo‘r bo‘ladi!”, deydi Buffon.

Eslatib o‘tamiz, Italiya terma jamoasi bugun, 11 noyabr kuni JCH–2018 musobaqasining o‘tish o‘yini doirasida safarda Shvesiyaga 1:0 hisobida imkoniyatni boy berib qo‘ygani haqida xabar bergandik.