Angliya professional futbolchilar Assosiasiyasi rahbari Gordon Teylor mamlakatdagi bolalar futboli tizimida to‘pni bosh bilan o‘ynashni taqiqlash g‘oyasini qo‘llab-quvvatlamoqda. Bu haqda VVS xabar tarqatdi.

AQSHda hozirgi kunga qadar 11 yoshgacha bo‘lgan bolalarning bosh bilan o‘ynashi taqiqlangan. 11 yoshdan 13 yoshgacha bo‘lgan bolalarda esa bosh bilan o‘ynash uchun ma’lum cheklovlar bilangina ruxsat berilgan.

«Bu fikrga qo‘shilaman. Futbolda to‘pni bosh bilan o‘ynash bo‘yicha turli amaliyotlar bo‘lib kelgan. 1950-60 yillarda eski to‘plar juda og‘ir bo‘lgan.

Hozirgi zamonaviy to‘plar ancha yengil hisoblanadi. Ammo AQSHda 11 yoshgacha bo‘lgan bolalar bosh bilan o‘ynashi mumkin emas. Hozircha yoshlik davrida to‘pni bosh bilan o‘ynash sog‘liq uchun qanchalik zarar ekani bo‘yicha olib borilayotgan tadqiqotlar aniq xulosa bermaguncha bu o‘zgarishsiz qoladi», – degan Teylor.

Oldinroq, Angliya terma jamoasi sobiq hujumchisi Alan Shirer BBC tomonidan tayyorlangan maxsus hujjatli filmda chiqish qilgan va muntazam ravishda bosh bilan o‘ynash bola organizmining o‘sishi uchun qanchalik zarar keltirishi mumkinligi borasida o‘z fikrlari bilan o‘rtoqlashgandi.

2012 «Vest Bromvich» va Angliya terma jamoasi sobiq futbolchisi Jeff Astl bosh miyasidagi xastalik tufayli vafot etgan.