Oliy liganing 28-turida "Paxtakor" o‘z maydonida "Olmaliq"dan 2:0 hisobida ustun keldi. O‘sha uchrashuvni "Paxtakor" stadionida 11067 nafar ishqiboz kuzatdi.
Bu ko‘rsatkich “Paxtakor”ning joriy mavsumda uy o‘yinlari uchun rekord natija hisoblanadi. Avvalgi bellashuvlarda buncha ko‘p miqdorda muxlis kuzatilmagandi.
Ushbu mavsumda “Paxtakor” stadioniga o‘rtacha tashrif 4207 nafarni tashkil qildi. Bu ko‘rsatkich borasida "Paxtakor" oliy ligada 6-natijani qayd etgan bo‘lib, “sherlarni” "Buxoro", "Navbahor", "Dinamo", "Qo‘qon-1912" va "Qizilqum" jamoalari ortda qoldirishgan.
