Олий лиганинг 28-турида "Пахтакор" ўз майдонида "Олмалиқ"дан 2:0 ҳисобида устун келди. Ўша учрашувни "Пахтакор" стадионида 11067 нафар ишқибоз кузатди.
Бу кўрсаткич “Пахтакор”нинг жорий мавсумда уй ўйинлари учун рекорд натижа ҳисобланади. Аввалги беллашувларда бунча кўп миқдорда мухлис кузатилмаганди.
Ушбу мавсумда “Пахтакор” стадионига ўртача ташриф 4207 нафарни ташкил қилди. Бу кўрсаткич борасида "Пахтакор" олий лигада 6-натижани қайд этган бўлиб, “шерларни” "Бухоро", "Навбаҳор", "Динамо", "Қўқон-1912" ва "Қизилқум" жамоалари ортда қолдиришган.
