“Yuventus” klubi hujumchisi Paulo Dibala JCHga chiqa olmagan Italiya terma jamoasini mag‘lubiyatdan xafa bo‘lmaslikka chaqirdi.

“Men kecha sizlarga muxlislik qildim va sizlar kabi qayg‘urdim. Italiya terma jamoasi bilan Rossiya mundialida ko‘rishmoqchi edim, hatto final o‘yinida ham qarshi chiqishga tayyor edim.

Italiya haqiqiy chempionlar jamoasi. Sizlar bilan hali ko‘p birga to‘p suraman, do‘stlarim sizlarni yaxshi ko‘raman”, – deya yozadi Dibala “Instagram” ijtimoiy tarmog‘idagi rasmiy sahifasida.

Shuningdek, Dibala jamoadoshlari Andrea Barzali, Jorjo Kyellini va Janluiji Buffonlarning suratini ham o‘z sahifasiga joyladi.

Eslatib o‘tamiz, Paulo Dibala Argentina terma jamoasi va “Yuventus” futbolchisi hisoblanadi.