“Ювентус” клуби ҳужумчиси Пауло Дибала ЖЧга чиқа олмаган Италия терма жамоасини мағлубиятдан хафа бўлмасликка чақирди.

“Мен кеча сизларга мухлислик қилдим ва сизлар каби қайғурдим. Италия терма жамоаси билан Россия мундиалида кўришмоқчи эдим, ҳатто финал ўйинида ҳам қарши чиқишга тайёр эдим.

Италия ҳақиқий чемпионлар жамоаси. Сизлар билан ҳали кўп бирга тўп сураман, дўстларим сизларни яхши кўраман”, – дея ёзади Дибала “Instagram” ижтимоий тармоғидаги расмий саҳифасида.

Шунингдек, Дибала жамоадошлари Андреа Барзальи, Жоржо Кьеллини ва Жанлуижи Буффонларнинг суратини ҳам ўз саҳифасига жойлади.

Эслатиб ўтамиз, Пауло Дибала Аргентина терма жамоаси ва “Ювентус” футболчиси ҳисобланади.