"PSJ" bosh murabbiyi Unai Emeri jamoa huumchisi Neymarning parijliklar safini tark etishi mumkinligi haqidagi mish-mishlarga javob berdi.
Avgust oyida "Barselona"dan "PSJ"ga o‘tgan 25 yoshli futbolchini "Real"ga o‘tishi mumkinligi haqida xabarlar tarqalgan edi.
"Klub va prezident uning shu yerda qolishini istayaptilar va u shu yerda qoladi. Eng asosiysi - maydon va unda o‘ynash. Men Neymar bilan suhbatlashyapman va bu har qanday mish-mishdan muhim. Har bir futbolchining moslashish jarayoni turlicha o‘tadi. Biz uning klubga yaxshiroq moslashishi uchun qo‘limizdan kelgancha yordam beryapmiz", - deydi Emeri.
