Qarshida "Nasaf" bilan o‘ta muhim o‘yinda maydonga tushadigan "Paxtakor" g‘alaba qozongan taqdirda 2-o‘rin va OCHL saralash bosqichi yo‘llanmasini hal etadi. Aks holda, 30-tur va O‘zbekiston Kubogi finali natijalarini kutishga to‘g‘ri keladi.

Uchrashuvga tayyorgarlikni Shota Arveladze boshchiligidagi jamoam yuqori darajada davom ettirmoqda. Diskvalifikasiya va jarohatlar bilan bog‘liq muammolar yo‘q.

Oliy ligada klublar 41 bor to‘qnash kelishgan. "Sherlar" 23 bellashuvda zafar quchishgan. 10 durang va 8 mag‘lubiyat kuzatilgan. "Nasaf" darvozasi 59 marta ishg‘ol qilinib, 32 to‘p o‘tkazib yuborilgan. Qarshidagi uchrashuvlarda 6 g‘alaba, 7 durang va 7 mag‘lubiyat qayd etilgan.

"Nasaf" - "Paxtakor" uchrashuvini navoiylik hakam Zokir Qodirov boshqaradi.

Ushbu hakam oliy ligada "Paxtakor" ishtirokidagi 8 bellashuvni boshqarib borgan. Tshkentliklar ularda 6 g‘alaba, 1 durang va 1 mag‘lubiyatni qayd etgan.
Assistent hakamlar vazifasini Obid Jumayev va Ruslan Samandarov bajaradi.

"NASAF" - "PAXTAKOR"
Hakamlar: Zokir Qodirov (Navoiy), Obid Jumayev (Navoiy), Ruslan Samandarov (Navoiy), Sherzod Rajabov (Buxoro).
Nazoratchi: Alisher Abdullayev (Toshkent).
PFL vakili: Bobur Haydarov.

Yoshlar tarkiblari bellashuvi 18 noyabr, shanba kuni 14:00da "Nasaf" yoshlar jamoasi bazasida start oladi. Asosiy jamoalar to‘qnashuvi 19 noyabr, yakshanba kuni 14:00da "Qarshi Markaziy" stadionida boshlanadi.