Kataloniyaning “Barselona” klubi o‘z yetakchisi Lionel Messi bilan bir umrlik shartnoma imzolashni rejalashtirmoqda.
Ma’lumotlarga ko‘ra, tomonlar o‘zaro 2021 yilga qadar shartnoma imzolab bo‘lishgan, biroq bu haqda rasmiy xabar berishmagan, deya xabar beradi El Mundo Deportivo nashri.
Bundan tashqari, kataloniyaliklar rahbariyati Messi bilan bir umrlik shartnoma imzolash ustida ishlashmoqda. Bir umrlik shartnoma imzolash ishlari hozirdanoq boshlab yuborilgan.
Ta’kidlab o‘tish joizki, Messi hech qachon boshqa jamoaga o‘tish yoki “Barselona”dan ketish haqida o‘ylamagan.
Eslatib o‘tamiz, avvalroq “Barselona” Andres Inyesta bilan bir umrlik shartnoma imzolagandi.