Yakshanba kuni bo‘ladigan “Nasaf” – “Paxtakor” uchrashuviga chiptalar kechadan boshlab sotuvga chiqarilgan edi. Bo‘lajak o‘yinga bo‘lgan qiziqish har qachongidan yuqoriligi sezilib turibdi.

Hozirgi paytda olingan ma’lumotlarga ko‘ra, chiptalarning o‘n mingdan ortig‘i sotib bo‘lindi.

O‘zingizga ma’lum, “Markaziy” stadionga yigirma bir ming tomoshabin sig‘adi. Agar futbol ishqibozlari shunday faollik ko‘rsatishsa, ertaning o‘zida chiptalar sotib bo‘linishi kutilmoqda.

Qo‘shimcha tarzda shuni ma’lum qilamizki, o‘yin kuni chiptalar sotuvga chiqarilmaydi.

Chiptalarni faqat “Markaziy” stadion qoshidagi chiptaxonalardan xarid qilishlarinigizni tavsiya etamiz. 

Eslatib o‘tamiz, "Nasaf" - "Paxtakor" uchrashuvi 19 noyabr yakshanba kuni "Markaziy" stadionda soat 14:00da boshlanadi.