«Barselona» klubining sobiq futbolchisi Ronaldinyo kataloniyaliklar hujumchisi Lionel Messining jamoani tark etishi borasidagi variantga to‘xtalib o‘tdi.
«Bu savolga javob berishim qiyin, chunki u mening yaqin do‘stim. Hamda, yaqin do‘st sifatida uning baxtidan quvonaman.
Agar Messi boshqa klubga o‘tishni xohlasa, men uni qo‘llab-quvvatlayman va bu yerda «Barselona» elchisi ekanligim muhim emas. Ammo uning qolishini xohlardim. Messi qayerda bo‘lmasin futbolda muhim rol o‘ynaydigan o‘yinchi bo‘lib qolaveradi», — deydi Ronaldinyo.
Eslatib o‘tamiz, 30 yoshli argentinalik futbolchining amaldagi shartnomasi 2018 yilga qadar mo‘ljallangan.
