«Барселона» клубининг собиқ футболчиси Роналдиньо каталонияликлар ҳужумчиси Лионель Мессининг жамоани тарк этиши борасидаги вариантга тўхталиб ўтди.
«Бу саволга жавоб беришим қийин, чунки у менинг яқин дўстим. Ҳамда, яқин дўст сифатида унинг бахтидан қувонаман.
Агар Месси бошқа клубга ўтишни хоҳласа, мен уни қўллаб-қувватлайман ва бу ерда «Барселона» элчиси эканлигим муҳим эмас. Аммо унинг қолишини хоҳлардим. Месси қаерда бўлмасин футболда муҳим роль ўйнайдиган ўйинчи бўлиб қолаверади», — дейди Роналдиньо.
Эслатиб ўтамиз, 30 ёшли аргентиналик футболчининг амалдаги шартномаси 2018 йилга қадар мўлжалланган.
