Italiya chempionatining 13-turidan o‘rin olgan “Roma” hamda “Lasio” jamoalari o‘rtasidagi uchrashuv yakuniga yetdi. Unda mezbonlar 2:1 hisobida g‘alaba qozonishdi.  

49-daqiqada Perotti penaltidan hisobni ochgan bo‘lsa, 53-daqiqada Raja Nayngolan hisobni 2:0 ko‘rinishiga keltirdi.

72-daqiqada “Lasio” to‘purari Chiro Immobile 11 metrlik jarima zarbasini to‘g‘ri amalga oshirib, hisobni qisqartirdi. Biroq bu gol “Lasio”ning mag‘lubiyatdan qutulib qolishiga kifoya bo‘lmadi. Shu tariqa, “Roma” o‘z maydonida “Lasio”dan ustun keldi.

“Roma” – “Lasio” 2:1.

Gollar: Perotti 49 (penalti), Nayngolan 53 - Immobile 72 (penalti).

“Roma”: Alisson, Fasio, Manolas, Kolarov, Florensi (Bruno Peres 80), Strotman, de Rossi, al Shaaravi (Jerson 73), Nayngolan (Jezus 85), Perotti, Jeko.

“Lasio”: Strakosha, de Vrey, Radu (Gabarron, 77), Marushich, Bashtush, Milinkovich-Savich, Lulich (Lukaku 58), Luis Alberto, Parolo, Leyva (Nani 58), Immobile.

Ogohlantirishlar: Lulich 18, Leyva 25, Luis Alberto 55, Nani 63, Nayngolan 67, Fasio (89).