Италия чемпионатининг 13-туридан ўрин олган “Рома” ҳамда “Лацио” жамоалари ўртасидаги учрашув якунига етди. Унда мезбонлар 2:1 ҳисобида ғалаба қозонишди.  

49-дақиқада Перотти пенальтидан ҳисобни очган бўлса, 53-дақиқада Ража Найнголан ҳисобни 2:0 кўринишига келтирди.

72-дақиқада “Лацио” тўпурари Чиро Иммобиле 11 метрлик жарима зарбасини тўғри амалга ошириб, ҳисобни қисқартирди. Бироқ бу гол “Лацио”нинг мағлубиятдан қутулиб қолишига кифоя бўлмади. Шу тариқа, “Рома” ўз майдонида “Лацио”дан устун келди.

“Рома” – “Лацио” 2:1.

Голлар: Перотти 49 (пенальти), Найнголан 53 - Иммобиле 72 (пенальти).

“Рома”: Алиссон, Фасио, Манолас, Коларов, Флоренци (Бруно Перес 80), Стротман, де Росси, ал Шаарави (Жерсон 73), Найнголан (Жезус 85), Перотти, Жеко.

“Лацио”: Стракоша, де Врей, Раду (Габаррон, 77), Марушич, Баштуш, Милинкович-Савич, Лулич (Лукаку 58), Луис Альберто, Пароло, Лейва (Нани 58), Иммобиле.

Огоҳлантиришлар: Лулич 18, Лейва 25, Луис Альберто 55, Нани 63, Найнголан 67, Фасио (89).