Fransiya chempionatining 13-turida "Nant" ustidan qozonilgan yirik hisobdagi g‘alabadan so‘ng (4:1) "PSJ" hujumchisi Edinson Kavani parijliklarning navbatdagi penaltisini ham jamoadoshi Neymar tepishini ma’lum qildi.
"Keyingi penaltini ham Neymar bajaradi", - deydi Kavani
"PSJ"ning bundan avvalgi penaltisini ham Neymar tepgan, OAV braziliyalik futbolchi parijliklarning doimiy penaltichisi bo‘ldi deb hisoblagan edilar.
Kavani "Lion"ga qarshi uchrashuvda (2:0) Neymarni penalti tepishiga qo‘ymagan edi. Shundan so‘ng jamoa ustozi Unai Emeri ikkovlonga 11 metrlik jarima nuqtasidan navbat bilan foydalanishga topshiriq bergan edi.
