Serbiya milliy jamoasi 8 yillik tanaffusdan so‘ng jahon chempionati yo‘llanmasini qo‘lga kiritdi. Biroq uzoq kutilgan muvaffaqiyat asoschisi - bosh murabbiy Slavolyub Muslin iste’foga chiqarildi.
Tabiiyki, Serbiyada mahalliy futbol ittifoqining ushbu keskin qarorini hech kim tushunmayapti. Championat.com sayti ayni shu holatga alohida e’tibor qaratdi.
NIMA BO‘LDI?
Serblarning oradan 8 yil o‘tib, yana jahon chempionatiga yo‘l ochishganida, milliy jamoa boshqaruvini qo‘lga olgan Slavolyub Muslin katta rol o‘ynagani ayni haqiqat.
Aynan u yevrofutbol yulduzlarini yagona maqsad sari birlashtirdi, ularni muayyan sur’atda ishlashga majburladi va shu asnoda jamoa o‘yinida o‘ziga xos balansni ta’minladi.
Buning samarasi tezda ko‘rindi - serblar butun saralash raundini bir tekisda o‘tkazishdi. Harqalay, bittagina mag‘lubiyat qayd etilganiyu, yakunda jamoaning o‘z guruhida 1-o‘rinni egallagani ko‘p narsadan dalolat.
Ha, hammasi ajoyibdek ko‘ringandi. Zero, futbolchilar oldida nafaqat har to‘rt yillik, balki o‘z faoliyatlaridagi asosiy turnirga munosib shaylanish uchun vaqt yetarli.
Murabbiy esa taktik chizmalarini to‘liq shakllantirish va tayyorgarlik rejasini ishlab chiqish imkoniyatiga ega edi. Biroq...
Xullas, 20 oktyabr kuni Muslin va Serbiya futbol ittifoqi o‘rtasidagi shartnoma ikki tomonning roziligi bilan bekor qilingani haqida xabar berildi.
Milliy jamoaga vaqtincha bosh murabbiy ham tayinlandi - Mladen Krstaich. Aytish joiz, u bungacha Muslin tomonidan tuzilgan murabbiylar shtabida ishlayotgandi.
NEGA BUNDAY BO‘LDI?
