Oliy liganing 29-turida “So‘g‘diyona” o‘z maydonida “Qo‘qon-1912” jamoasini qabul qildi. Garchi mezbonlar o‘yin so‘nggiga qadar 9 kishi bo‘lib qolsa-da, jamoa irodali g‘alaba qozondi. (2:1).O‘yindan so‘ng mehmonlar bosh murabbiyi No‘mon Xasanov matbuot anjumaniga qatnashdi va jurnalistlarning savollariga javob berdi.
-O‘yin qiyini bo‘ldi. Har ikkala jamoa o‘z jonlarini berib o‘yin ko‘rsatdi. “So‘g‘diyona”ni tabriklayman. 9 kishi bo‘lib bugun jasorat ko‘rsatdi. O‘z jamoam haqida gapirsam,juda ko‘plab vaziyatlardan foydalana olmadik. Jizzax jamoasining keyingi o‘yinlariga omad tilayman. Jamoamiz o‘z oldiga qo‘ygan maqsadiga erisha oldimi? Biz 5 yoki 6 o‘rinni olishimiz uchun bugungi o‘yinda g‘alaba qozonishimiz kerak edi. Mavsum boshida jamoa rahbariyati bizga turnir jadvalining yuqori o‘rinlaridan birini egallashimizni aytishgan edi va biz bunga xarakat qildik.Oldinda “Olmaliq”qa qarshi bahs kutmoqda va biz bu uchrashuvga tayyorgarlikni davom ettiramiz- deydi “Qo‘qon-1912” bosh murabbiyi
“So‘g‘diyona” matbuot xizmati
