Bugun futbol bo‘yicha Yevropa chempionlari ligasining 5-tur doirasida “E”, “F”, “G” va “N” guruhlaridagi o‘yinlar bo‘lib o‘tadi.
 
“E” guruhida bu turda peshqadamlar o‘zaro kuch sinashishadi.
 
“Sevilya” jamoasi “Liverpul”ni qabul qiladi va bu uchrashuvda inglizlar g‘alabani qo‘lga kiritishsa, u holda pley-off yo‘llanmasini naqd qilishadi.
 
“F” guruhida vaziyat ancha murakkab holga kelgan. Xabaringiz bor, “Manchester Siti” allaqachon keyingi bosqich masalasini hal qilgan.
 
“Napoli”–“Shaxtyor” uchrashuvida esa mezbonlarga faqat g‘alaba kerak. Aks holda ular turnir bilan xayrlashishlariga to‘g‘ri keladi.
 
“G” guruhida bugun “Beshiktosh” o‘z maydonida “Portu”ni qabul qiladi. Bugungi uchrashuvdagi durang natija ham turk jamoasini birinchi o‘ringa olib chiqadi.
 
“N” guruhidagi “Tottenxem” va “Borussiya” uchrashuvi qiziqarli o‘yin bo‘lishi taxmin qilinmoqda.
 
YECHL 5-tur o‘yinlari bilan to‘liq tanishingiz mumkin:
 
“Spartak”–“Maribor”
“Beshiktosh”–“Portu”
“Manchester Siti”–“Feyenord”
“Napoli”–“Shaxtyor”
Dortmurdning “Borussiya”– “Tottenxem”
“Monako”–“Leypsig”
“APOEL”–Madridning “Real”
“Sevilya”–“Liverpul”