25 noyabr kuni Yaponiyaning Saytama shahrida bo‘lib o‘tadigan Osiyo Chempionlar ligasi final bahsini bevosita stadiondan kuzatib borish uchun O‘zbekiston Professional Futbol Ligasi bosh direktori Omon G‘ofurov Yaponiyaga jo‘nab ketgani haqida avval xabar berilgan edi.
Omon G‘ofurov bugun Yaponiya Professional Futbol Ligasi rahbari Misuru Murai bilan rasmiy uchrashuv o‘tkazdi.
Uchrashuv davomida O‘zbekiston Futbol Federasiyasi va Yaponiya Futbol Assosiasiyasi o‘rtasida 17 noyabr kuni imzolangan memorandum asosidagi hamkorlik masalalari muhokama qilindi.
Shuningdek, Yaponiya Professional Futbol Ligasi tomonidan o‘tkazilayotgan musobaqalar tartibi, marketing, homiylik masalalari o‘rganildi va tajribalar o‘rtoqlashildi.
Bundan tashqari, Misuru Murai PFL Bosh direktori Omon G‘ofurovniYaponiya Professional Futbol Ligasi tomonidan klublar oldiga qo‘yiladigan talablar, bu talablarni bajarish uchun klublar tomonidan amalga oshirilayotgan chora-tadbirlar bilan ham yaqindan tanishtirdi.
