«Manchester Yunayted» yarimhimoyachisi Maykl Karrik tvitter sahifasida o‘z sog‘lig‘i haqida axborot berdi.
Ma’lumki, 36 yoshli futbolchi sentyabr oyidan buyon maydonga tushmagan edi.
«O‘z sog‘lig‘im bilan bog‘liq vaziyat haqida axborot bermoqchiman. So‘nggi 2 oy davomida nega maydonga tushmaganim bilan ko‘pchilik qiziqqan edi.
«Byorton»ga qarshi o‘yinning ikkinchi bo‘limida o‘zimni yomon his qilganimdan so‘ng, tibbiy ko‘rikdan o‘tdim.
Shunda, menda yurak aritmiyasi borligi aniqlandi. Natijada, yurak ablyasiyasi jarayonidan o‘tishga majbur bo‘ldim.
Hozir esa sog‘lig‘im joyida va mashg‘ulotlarda ishtirok etyapman. Endi jismoniy holatimni tiklab olish uchun harakat qilmoqdaman» - deb yozdi Karrik.
