«Манчестер Юнайтед» яримҳимоячиси Майкл Каррик твиттер саҳифасида ўз соғлиғи ҳақида ахборот берди.

Маълумки, 36 ёшли футболчи сентябрь ойидан буён майдонга тушмаган эди.

«Ўз соғлиғим билан боғлиқ вазият ҳақида ахборот бермоқчиман. Сўнгги 2 ой давомида нега майдонга тушмаганим билан кўпчилик қизиққан эди.

«Бёртон»га қарши ўйиннинг иккинчи бўлимида ўзимни ёмон ҳис қилганимдан сўнг, тиббий кўрикдан ўтдим.

Шунда, менда юрак аритмияси борлиги аниқланди. Натижада, юрак абляцияси жараёнидан ўтишга мажбур бўлдим.

Ҳозир эса соғлиғим жойида ва машғулотларда иштирок этяпман. Энди жисмоний ҳолатимни тиклаб олиш учун ҳаракат қилмоқдаман» - деб ёзди Каррик.