Oliy Liga so‘nggi 30-turi doirasida Muborakda «Mash’al» jamoasi mehmoni bo‘lgan «Dinamo» jamoasi safarda kichik hisobdagi mag‘lubiyatga uchradi.
Uchrashuvdan oldin jamoaning asosiy himoyachilari Radu Rogak va Adnan Oraxovas jarohatlari bois maydonga tusha olishmadi. Shu kuni Muborakdagi uchrashuvda ham samarqandlik muxlislar «Dinamo»ni qo‘llab-quvvatlab turishdi.
O‘yin tengkurashlar ostida boshlangan bo‘lsada, 32-daqiqada mezbonlar hisobni ochishdi. Chamasi 25 metrlardan belgilangan jarima to‘pini Zafar To‘rayev qoyilmaqom zarbasi bilan Mixail Naumov darvozasiga kiritdi, 1:0.
Ikkinchi bo‘limda «Dinamo»chilar vaziyatni o‘nglash uchun har qancha intilishmasin, hisobni o‘zgartirish imkoni bo‘lmadi.
Mavsumdagi so‘nggi tur o‘yinida mag‘lubiyatga uchragan «Dinamo» 2017 yilgi mavsumni 12-o‘rinda yakunladi.
Oliy Liga, 30-tur
25 noyabr, shanba
«Mash’al» (Muborak) – «Dinamo» (Samarqand) 1:0
Hakamlar: Z.Qodirov (Navoiy), O.Jumayev (Navoiy), R.Samandarov (Navoiy), I.Ibragimov (Nukus)
Nazoratchi: I.SHaripov (Buxoro)
O‘zPFL vakili: V.SHtern
Gol: Zafar To‘rayev 32.
«Mash’al»: 35. Javohir Ilyosov, 2. Iskandar Shaykulov, 5. Shoxjaxon Qilichov, 10.Xumoyun Murtazoyev, 18.Abbos Shodmonov, 19.Zohir Qo‘ziboyev, 22.Bobur Qosimov (44.Asil Begimqulov, 74), 27.Nikita Pavlenko, 55.Avaz Agaliyev, 77.Abdulloh Olimov, 90.Zafar To‘rayev (9.Jamoliddin Ubaydullayev, 70)
«Dinamo»: 1. Mixail Naumov, 2. Mirkomil Lokayev, 4. Hakimxon A’lamxonov, 6. Akmal Bozorov (41. Jasur Qurbonov, 81), 8. Jasur Azimov, 15. Shoxruxbek Xolmatov, 19. Orifjon Mamajonov (9. Sardor Sulaymonov, 64), 20. Amirjon Safarov, 21.Iskandar Xolmirzayev, 50. Farhod Tojiyev (11. Abdumalik Abdullayev, 64), 90. Doniyor Ismoilov.
