Luis Suares 1987 yilning 24 yanvar sanasida Urugvayda tavallud topgan. Bugun biz Suaresning «Barselona»ga kelgunga qadar faoliyatiga qisqacha nazar solib o‘tmoqchimiz.
“Nasyonal”
Suares faoliyatini 2005 yilda “Nasyonal” jamoasida boshladi. Dastlabki mavsumda u KONMEBOL kubogida bitta uchrashuv o‘tkazdi. Keyingi yili esa u 34 ta o‘yinda maydonga tushib raqiblar posbonini 12 marta ranjitishga muvaffaq bo‘ldi.
Luis jamoasi bilan birga Urugvay chempionatida zafar quchdi. Bunday sermahsul mavsumdan keyin 19 yoshli futbolchi o‘z vatanida qolmasligi aniq edi.
“Groningen”
2006 yili Gollandiyaning “Groningen” jamoasi yosh iqtidor egasini 800 ming yevro evaziga o‘z safiga qo‘shib oldi. Luis debyut mavsumidayoq Gollandiya chempionatida 10 ta gol kiritib, ko‘plab skautlarni yana o‘zi tomon qaratdi. Butun mavsum davomida urgan gollari soni esa 15 taga yetgan edi.
