Луис Суарес 1987 йилнинг 24 январь санасида Уругвайда таваллуд топган. Бугун биз Суареснинг «Барселона»га келгунга қадар фаолиятига қисқача назар солиб ўтмоқчимиз.
“Насьонал”
Суарес фаолиятини 2005 йилда “Насьональ” жамоасида бошлади. Дастлабки мавсумда у КОНМЕБОЛ кубогида битта учрашув ўтказди. Кейинги йили эса у 34 та ўйинда майдонга тушиб рақиблар посбонини 12 марта ранжитишга муваффақ бўлди.
Луис жамоаси билан бирга Уругвай чемпионатида зафар қучди. Бундай сермаҳсул мавсумдан кейин 19 ёшли футболчи ўз ватанида қолмаслиги аниқ эди.
“Гронинген”
2006 йили Голландиянинг “Гронинген” жамоаси ёш иқтидор эгасини 800 минг евро эвазига ўз сафига қўшиб олди. Луис дебют мавсумидаёқ Голландия чемпионатида 10 та гол киритиб, кўплаб скаутларни яна ўзи томон қаратди. Бутун мавсум давомида урган голлари сони эса 15 тага етган эди.
