Navbatdagi «Oltin to‘p» nomzodlari ro‘yxatidan «Real»ning naq yetti nafar a’zosi joy olishdi. Tabiiyki, jamoa sardori ham ular orasida.
France Football sayti muxbiri Serxio Ramos bilan uchrashib, muvaffaqiyatlar bejiz emasligiga amin bo‘ldi. Mahoratli himoyachining fikricha, «Qirollik klubi»da bundan oldin hozirgidek ahillik kuzatilmagan.
«Hech narsa o‘zicha paydo bo‘lmaydi!»
- Yaqinda siz «Real»da erkatoy, arzanda futbolchilar to‘planishgan» qabilidagi gaplardan charchadim, degandingiz?
- Aynan takrorlaydigan bo‘lsam, quyidagicha fikr yuritgandim: «Biz haqimizda shunday ohangda gapirasizlarki, go‘yo Beverli Xillzda (Los-Anjelesdagi boylar shaharchasi) tug‘ilgandekmiz.
Bas qilinglar!». Men Sevilya yaqinidagi Kamas shaharchasida dunyoga kelganman. Hozir ham 20 yildan buyon taniydigan kishilardan farq qilmayman. Kimlar avlodidan ekanligimni unutmaganman.
Ammo ko‘pchilik «Real»dagilar uchun hamma narsa muhayyo, futbolchilar osmondan tushgandek tasavvur qilishadi. Yo‘q, hammasiga mehnat, mashaqqat, qiyinchiliklar evaziga erishganmiz. Hech narsa o‘zicha paydo bo‘lmaydi!
- Biroq siz nomdor futbolchilar safidasiz. Shunday emasmi?
- Qaysidir ma’noda haqsiz. Lekin yuqoriga ko‘tarilish va shu parvozni ushlab qolish o‘rtasida katta farq bor. Yuksak saviyali o‘yinchilar bilan anchadan beri yonma-yon to‘p suryapman. Bu esa oson emas.
- «Real»ning yetti nafar a’zosi «Oltin to‘p» da’vogarlari ro‘yxatidan joy olishdi. Jamoadoshlaringiz uchun mamnunmisiz?
- Albatta! Biz ahil jamoamiz. Har bir o‘yinchi jamoadoshining muvaffaqiyatidan xursand.
- «Oltin to‘p» mavzusida hazillashib turasizlarmi?
- Bo‘lmasamchi! Ayniqsa, yangi kelgan yoshlarni tinch qo‘ymaymiz. «Hoy, menga qara, sen avval ro‘yxatga boq, keyin nog‘ora qoq», deymiz (kuladi). Hazillar ko‘p...
Ammo yosh iqtidor sohiblari uchun foydali. «Real»ning qanday jamoa ekani, uning safida maydonga tushish uchun qanchalik ter to‘kish kerakligini bilib olishadi.
«Faxriylar esimni kiritib qo‘yganliklari kabi...»
- 2014 yili YECHLning «Atletiko»ga qarshi finalida siz hisobni tenglashtirmaganingizda, «Real» g‘alaba qozona olmagan, Ronaldu «Oltin to‘p»siz qolgan bo‘lardi... DAVOMI
