«Barselona» klubi bosh murabbiyi Ernesto Valverde jamoa mashg‘ulotiga kechga qolganlik uchun jarimaga tortish tizimini bekor qildi.

Mutaxassisning fikricha, uning shogirdlarida professionalizm va ma’suliyat yetarli, hamda jarimalarga hojat yo‘q. Aytilishicha, «Barselona»da jarimalar tizimi Xosep Gvardiola davridan beri bo‘lgan.

Mashg‘ulotga kechga qolganlik uchun 200 yevro, o‘yinga kechikish uchun esa 400 yevro jarima belgilangan.

Ushbu qoidalarni eng ko‘p marta buzgan futbolchi esa Xerard Pike hisoblanadi, u bir mavsumda jami 6 ming yevrolik miqdorda jarima to‘lagan.