«Барселона» клуби бош мураббийи Эрнесто Вальверде жамоа машғулотига кечга қолганлик учун жаримага тортиш тизимини бекор қилди.
Мутахассиснинг фикрича, унинг шогирдларида профессионализм ва маъсулият етарли, ҳамда жарималарга ҳожат йўқ. Айтилишича, «Барселона»да жарималар тизими Хосеп Гвардиола давридан бери бўлган.
Машғулотга кечга қолганлик учун 200 евро, ўйинга кечикиш учун эса 400 евро жарима белгиланган.
Ушбу қоидаларни энг кўп марта бузган футболчи эса Херард Пике ҳисобланади, у бир мавсумда жами 6 минг евролик миқдорда жарима тўлаган.
