«Barselona» klubi himoyachisi Xordi Alba «Valensiya»ga (1:1) qarshi kechgan uchrashuvdagi hakamlikdan nolidi.

Hisob 0:0 bo‘lib turgan payti hakamlar Lionel Messining golini hisobga olmagandilar.

«Bu hakamlarning qo‘pol xatosi. Men maydon markazida turgan edim, xatto men ham gol bo‘lganini ko‘rdim. Bu g‘azabni qo‘zg‘aydigan holat!

O‘tgan mavsum «Betis»ga qarshi o‘yinda ham shunga o‘xshash holat bo‘lgandi va kim biladi deysiz aynan o‘sha sabab chempionlikni qo‘ldan boy bergandirmiz.

To‘p chiziqni uch metrga kesib o‘tgandi, hakamlar esa golni hisoblamadi – qanaqasiga bunday bo‘lishi mumkin?! Axir gol ochiq-oydin ko‘rinib turibdiku!

Albatta, bunday holatlarda videotakrorlardan foydalanish samara beradi», – deydi Alba.